“Neftçi” klubu yetirməsi Mirabdulla Abbasovun qayıdışını rəsmən açıqlayıb.

Rekord.az xəbər verir ki, bu barədə “ağ-qaralar”ın mətbuat xidməti məlumat yayıb. “Səbail”lə olan icarə müqaviləsinə xitam verən Mirabdulla “Neftçi”də 22 nömrəli formanı geyinəcək.

“Səbail” Mirabdullanı 2019-cu ilin yayında “Neftçi”dən icarə əsasında heyətinə qatmışdı.

“Neftçi” ilə 2020/2021 mövsümünün sonunadək müqaviləsi olan Mirabdulla Abbasov 2014-2016, 2017-2019-cu illər ərzində “ağ-qaralar”ın heyətində 66 oyuna çıxıb, 13 qol vurub.