“Neftçi”nin mövsümün qalan hissəsinə hazırlıq çərçivəsində iyunun 10-da “Keşlə”yə qarşı keçirəcəyi yoxlama matçının stadionu dəyişdirilib.

Rekord.az xəbər verir ki, bu barədə paytaxt klubunun rəsmi saytı məlumat yayıb.

Xəbərdə bildirilir ki, oyun öncədən nəzərdə tutulduğu kimi “Neftçi”nin bazasında yox, "Bakcell Arena”da baş tutacaq. Bunun səbəbi isə sınaq matçının "CBC Sport” vasitəsilə canlı yayımlanmasıdı.

Qeyd edək ki, “Neftçi” - “Keşlə” matçına saat 18:00-da start veriləcək.