Antalyada təlim-məşq toplanışında olan “Neftçi” bu gün növbəti yoxlama oyununa çıxıb.

Rekord.az xəbər verir ki, “ağ-qaralar” Ukraynanın “Dinamo” klubu ilə qarşılaşıb. Kiyev təmsilçisi ilə görüş “Neftçi”nin növbəti məğlubiyyəti ilə başa çatıb.

“Neftçi” Antalya toplanışı çərçivəsində keçirdiyi ilk yoxlama matçında Polşanın “LKS Lodz” klubuna 0:4 hesabıyla uduzmuşdu.

“Neftçi” daha bir sınaq matçını isə yanvarın 24-də “Arslan Zeki Spor Kompleksi”ndə digər Ukrayna klubu “Desna”ya qarşı keçirəcək.

Yoxlama oyunu
20 yanvar

Neftçi – Dinamo (Kiyev, Ukrayna) 1:2
Qol: Vangelis Platellas, 69.
Antalya, “Gloria Sports Arena”