Futbol üzrə Avropa Liqasının 2-ci təsnifat mərhələsi çərçivəsində “Neftçi” ilə “Qalatasaray” arasında keçirilməli olan oyunun stadionu dəyişdirilib.

Rekord.az xəbər verir ki, qarşılaşma əvvəlcədən nəzərdə tutulduğu kimi “Bakcell Arena”da yox, Bakı Olimpiya Stadionunda keçiriləcək. Bu barədə UEFA-nın rəsmi saytında da müvafiq dəyişiklik edilib.

Sentyabrın 17-də keçiriləcək “Neftçi” – “Qalatasaray” matçına saat 20:00-da start veriləcək.