Mövsümün ikinci yarısına hazırlığını Antalyada (Türkiyə) davam etdirən "Neftçi" bu gün ilk yoxlama oyununa çıxacaq.

Rekord.az xəbər verir ki, "ağ-qaralar" Türkiyənin "Erzurumspor" klubu ilə qarşılaşacaq. 1-ci liqa təmsilçisi ilə oyun Bakı vaxtı ilə saat 18:00-da başlayacaq. Bu, yeni baş məşqçi Miodraq Bojoviçin "Neftçi"də ilk sınağı olacaq.

"Neftçi" yanvarın 9-da Albaniya "Partizani"si ilə də üz-üzə gələcək. Komanda yanvarın 14-dək Antalyada hazırlıq keçəcək.