UEFA “Neftçi”nin Avropa Liqasının 2-ci təsnifat mərhələsindəki potensial rəqiblərinin sayını məhdudlaşdırıb.

Rekord.az klubun mətbuat xidmətinə istinadən xəbər verir ki, paytaxt təmsilçisi püşkatma nəticəsinə bu 3 komandadan biri ilə qarşılaşacaq:

“Dinamo” (Moskva, Rusiya), “Qalatasaray” (Türkiyə),  “Kayrat” (Qazaxıstan).

Bu rəqiblərlə nəinki "Neftçi", Azərbaycanın heç bir klubu avrokuboklarda görüşməyib. "Ağ-qaralar" SSRİ çempionatında güclülər dəstəsində Moskva "Dinamo" və "Kayrat"la dəfələrlə qarşılaşıb, "Qalatasaray"la matçı isə yoldaşlıq görüşü səviyyəsində olub. 

Qeyd edək ki, Avropa Liqasının 2-ci təsnifat mərhələsinin püşkü bu gün İsveçrənin Nyon şəhərində atılacaq. Tədbir Bakı vaxtı ilə saat 15.00-da başlayacaq.