«Neftçi» Matar Dieye ilə danışıqları gizli aparırdı. Bakılılar «Karpatı»dan ayrılan seneqallı hücumçuya dəvət göndərmişdi. Donetsk «Olimpik»inə məxsus olan afrikalıya ünvanlanan müqavilənin müddəti 2 ildir.

Az əvvəl isə «Neftçi»dəki dostlar redaksiyamıza daha bir futbolçu ilə bağlı məlumat verib. Belə məlum olur ki, «ağ-qaralar» son olaraq Ze Manuelə təklif göndərib.

Rekord.az xəbər verir ki, adıçəkilən futbolçu Portuqaliyalda «Santa Kara»nın formasını geyinir. 29 yaşlı vinger vaxtilə Portuqaliyanıın U-18 yığmasının şərəfini qoruyub. Hücumameylli yarımmüdafiəçi karyerası ərzində bir çox tanınmış klubun uğurları üçün tər töküb.

«Merelinense»nin yetirməsinin xidmətindən «Braqa», «Boavişta», «Portu», «Vitoriya Setubal», «Visla Krakov» və digər komandalar istiffadə edib. O, 2018-ci ildən «Santa Klara»dadır və bu müddətdə 54 oyuna çıxaraq 12 qol vurub.

«Neftçi»nin rəsmi təklif göndərdiyi portuqaliyalı şərtləri qəbul edərsə, onunla 2 illik müqavilə imzalanacaq. (sportinfo.az)