Nəhayət ki, "Neftçi" klubu uzun müddətli fəaliyyətdən və zəhmətdən sonra öz tv-sinin fəaliyyətinə başladı. Bu, tv klub televiziyaçılığı baxımından  ölkədə ilk oldu. Düzdür, elitada oynayan bütün klublarımızın saytlarına baxsaq əksəriyyətində tv bölməsi var. Amma tv hansısa oyundan, ya məşqdən görüntüləri çəkib sayta yerləşdirmək demək deyil. TV anlayışı tam fərqlidir. Məsələn, mənim yadıma hələ 2012-ci ildə "Neftçi"nin "Rubin"lə oyunları düşür. Hər iki oyuna canlı bvaxmışdım. Bakıdakı oyundan əvvəl "Rubin" TV-nin əməkdaşları oyunla bağlı süjet hazırlamışdı, elə bil ki, hansısa peşəkar kabel tv hazırlamışdı. Bu da təbii idi, çünki bütün adanlıqlar, texniki və media heyəti sanki böyük maştablı tv-ni təmsil edirdi. Bizdə təəssüf ki, klub tv anlayışı və fəaliyyəti o səviyyəyə çatmayıb. Amma əminliklə demək olar ki, "Neftçi" bu sahədə böyük iş görüb.

Ümumiyyətlə klubun mətbuat xidmətinin  hazırkı fəaliyyətini qənaətbəxş saymaq olar. Rüstəm Allahverdiyevi Kamran Quliyevin ən uğurlu təyinatlarındandır. Allahverdiyevin gəlişindən sonra "Neftçi"nin media qolunda ciddi canlanma başladı. Klubun həm rəsmi, həm də fb səhifəsində gündəlik, operativ olaraq xəbər, foto, video paylaşımlar olur. Bildiyim qədəri ilə "Neftçi" TV-nin qısa zamanda fəaliyyətə başlamasında da Allahverdiyevin böyük rolu olub. Bəndəniz də bu yaxınlarda sözügedənb tv-də qonaq oldu və hər şeyi gözü ilə gördü. Düzdür, hələlik kanal test və "yutub" üzərindən yayımdadır. Amma unutmayaq ki, kabel və peykdən yayımlanan böyük maştablı telekanallar da ilk günlər, həftələr test yayımda olurlar. Hazırda saat 12:00-dan 16:00-a kimi fəaliyyətdə olan kanalda 12 işçi çalışır. Avadanlıqlar demək olar ki, peşəkar tv-lərin istifadə etdiyi avadanlıqlardı. Kanalın ən böyük transferi isə heç şübhəsiz ki, İsmayıll Abdullayevdi. İdman TV-dəki şərhçiliyi ilə çoxdan rəğbət qazanmış İsmayıl "Neftçi" TV-nin qısa zamanda populyarlıq qazanmasına da şübhəsiz ki, töhvə verəcək.

Bildiyimə görə, klubun tv ilə bağlı gələcəkdə uğurlu layihələri də nəzərdə tutulub. Çempionat oyunlarından öncə və sonra canlı yayılmlar, yoldaşlıq görüşlərinin yayımı, tanınmış şəxslərlə diskusiyalar, maraqlı verilişlər və s. "Neftçi" TV-nin "planlar paketi"ndə yer alıb. Bu işdə "Neftçi"yə ancaq uğurlar arzulamaq olar. Digər klublarımız da örnək götürsə, yaxşı olar.

Anar XANLAROV