"Neftçi"nin qvineyalı yarımmüdafiəçisi Mamadu Kanenin Yunanıstan "Olimpiakos"una mümkün keçidi ilə əlaqədar danışıqlar davam edir.

Rekord.az xəbər verir ki, bu barədə "ağ-qaralar"ın baş məşqçisi Samir Abasov açıqlama verib.

43 yaşlı mütəxəssis bildirib ki, məsələyə yaxın günlərdə aydınlıq gələcək.

Bizim isə əldə etdiyimiz məlumata görə, "Neftçi"nin yeni futbolçu transferi məhz Kanenin satışından asılıdır. Əgər "Neftçi" Kaneni istədiyi qiymətə sata bilsə, o pula yeni transfer də edə biləcək.