İtaliyanın “Spetsiya” klubu heyətini yeni futbolçu ilə gücləndirib.

Rekord.az xəbər verir ki, yeni mövsümdən tarixində ilk dəfə A Seriyasında mübarizə aparacaq bu klub Niderland yığmasının və PSV-nin qapıçısı Yerun Zutu transfer edib.

Bu barədə klubun rəsmi saytı məlumat yayıb. 29 yaşlı qolkiperlə 2 illik müqavilə imzalanıb.

PSV-nin öz yetirməsi olan Zut, karyerasının böyük hissəsini məhz doğma klubunda keçirib. Lakin o, bir müddət “Valveyk” və “Utrext” klublarında da icarədə oynayıb. Yerun Niderland yığmasında da 11 oyun keçirib.