"Fulhem" klubu İngiltərənin digər təmsilçisi "Bernli"dən Norveç yığmasının futbolçusu Sander Berqeni transfer edib.

Rekord.az klubun mətbuat xidmətinə istinadən xəbər verir ki, 26 yaşlı yarımmüdafiəçi ilə 2029-cu ilin yayına qədər müqavilə imzalanıb.

Razılığa əsasən anlaşmanın müddəti daha 12 ay uzadıla bilər. Berqe yeni klubunda 16 nömrəli formanı geyinəcək.

Norveç millisinin üzvü 2023/2024 mövsümündə İngiltərə Premyer Liqasında meydana çıxdığı 37 oyunda 1 qol vurub. 2017-ci ildən əsas yığmaya dəvət alan yarımmüdafiəçi 46 rəsmi oyun keçirib, 1 qol müəllifi olub.