Novruz bayramı münasibətilə Oğuz rayon Padar kəndində uşaq, yeniyetmə və gənclər arasında sərbəst güləş üzrə rayon birinciliyi keçirilib.

Rekord.az xəbər verir ki, yarış 14 mart 2024-cü il tarixində Şəki-Zaqatala Regional Gənclər və İdman İdarəsinin Oğuz rayonu üzrə gənclər və idman sektorunun və Oğuz rayon Uşaq Gənclər İdman Şahmat Məktəbinin birgə təşkilatçılığı ilə keçirilib.

Yarışda dövlət himnimiz səsləndirilib və şəhidlərin xatirəsi bir dəqiqəlik sükutla yad edilib. Tədbirdə çıxış edən sektorun müdiri Şaiq Rüstəmov, məşqçi Araz Umarov, Vətən Müharibəsi Qəhrəmanı gizir Cavanşir Feyzullazadə idmançılara uğurlar arzulayıb.

Qaliblər Şəki-Zaqatala Regional Gənclər və İdman İdarəsinin diplomları ilə təltif olunublar.