Bu gün qadın voleybolçular arasında Azərbaycan çempionatında 2023-cü ilin son oyunları keçirilib. "Rekord.az" xəbər verir ki,  GİN-in Voleybol Mərkəzində ilk olaraq “AZERRAIL” və “Gəncə” klubları üz-üzə gəliblər. Cengiz Akarçeşmenin yetirmələrinin üstünlüyü ilə keçən görüşdə “AZERRAIL” 3:0 hesabı ilə qələbə qazanıb. 
Daha sonra meydana “Milli Aviasiya Akademiyası” və “Murov Az Terminal” komandaları çıxıblar. Bu matç da 3 set davam edib. İlin son oyununda ilk hissədən təşəbbüsə yiyələnən “Murov Az Terminal” üstünlüyünü sonadək qoruyub və 3:0 hesabı ilə qalib gəlib. Bu qarşılaşmalarla həm də 7-ci tura yekun vurulub.
Qeyd edək ki, 7 turdan sonra “AZERRAIL” 18 xalla turnir cədvəlinə liderlik edir. Eyni xali olan “Abşeron” isə ikinci yerdədir. “Murov Az Terminal”  15 xalla 3-cü, “Gəncə” 9 xalla 4-cü, “Milli Aviasiya Akademiyası” 3 xalla 5-ci, xalı olmayan UNEC isə sonuncu pillədədir.

19 dekabr
Yüksək Liqa (qadınlar)
VII tur
   “AZERRAIL” - “Gəncə”  3:0 (25:21, 25:18, 25:16)
   “Milli Aviasiya Akademiyası” - “Murov Az Terminal” 0:3 (13:25, 24:26, 16:25)