Heç kimə sirr deyil ki, “Sumqayıt” bu gün  büdcə ilə bağlı sıxıntı çəkir. Əsas sponsor “Azərikimya” kluba yetəri qədər maliyyə dəstəyi ayırmır. Buna görə, rəhbərlik normal transferlər edə bilmir.

Rekord.az-a daxil olan məlumata görə, klub rəhbərliyi öz xəttləri ilə kluba əlavə sponsorlar cəlb etməyə cəhd edib.

Hətta bəzi şirkətlər komanda avrokuboklara vəsiqə qazanacağı təqdirdə sonsorluq müqaviləsinə imza atacaqlarına dair söz də veriblər. Lakin məlum pandemiya bütün planları alt-üst edib. Virus səbəbindən krizis keçirən həmin şirkətlər verdikləri sözə əməl edə bilməyib.