Futbol üzrə Ukrayna Premyer Liqasında 18-ci turun oyunları keçirilib.

Rekord.az xəbər verir ki, Azərbaycan yığmasının müdafiəçisi Pavel Paşayevin formasını geyindyi “Aleksandriya” da növbəti matçına çıxıb.

Sözügedən kollektiv səfərdə “Dnepr-1” ilə qarşılaşıb. Futbolçumuzun komandası bu görüşdən qələbə ilə ayrılıb - 2:1.

Paşayev bu görüşün iştirakçısı olmayıb. Millimizin üzvü sarı vərəqə limitini doldurduğu üçün bu qarşılaşmanı buraxmaq məcburiyyətində qalıb.

“Aleksandriya” 18 turdan sonra 33 xalla 12 kollektiv arasında 5-ci pillədə qərarlaşıb.