Bu həftə Azərbaycan Premyer Liqasında 12-ci turun qarşılaşmaları keçiriləcək. 

Rekord.az xəbər verir ki, milli komandaların oyunları ilə əlaqədar yaranan fasilədən sonrakı turda “Zirə” “Keşlə” ilə üz-üzə gələcək. Bu, komandalar arasında 18-ci görüş olacaq.

İndiyədək bu rəqiblər 17 dəfə üz-üzə gələn “qartallar” 4 dəfə qalib gəlib. 8 oyunda 1 xal əldə edən bu komanda 5 dəfə meydandan məğlub ayrılıb. 34 qolun vurulduğu görüşlərdə rəqiblər hərəyə 17 dəfə fərqləniblər. 

“Zirə”nin “Keşlə”yə qarşı keçirilən matçlardakı bombardiri Xulio Sezar Rodriqesdi. Paraqvaylı rəqib qapısına üç dəfə yol tapıb. Yovan Krneta və Milan Duriçin hesabında 2 top var.

“Qartallar” öz meydanında 9-cu dəfə “Keşlə”ni qonaq edəcək. Əvvəlki 8 matçın yarıdan çoxu – 5-i heç-heçə nəticələnib. 2 dəfə qalib gələn meydan sahibləri 1 dəfə uduzublar. 10 qol vuran komanda 8 top buraxıb. Yalnız ilk ev oyununda meydandan qolsuz ayrılan “Zirə” sonrakı 7 görüşdə qonaqların qapısına yol tapıb.