Perunun “Aliansa Lima” klubu futbolçusu Kluyvert Aqiları “Mançester Siti”yə satıb.

Rekord.az xəbər verir ki, bu barədə Peru təmsilçisinin rəsmi saytı məlumat yayıb.

17 yaşlı futbolçu 2021-ci ilin mayında “Mançester Siti”yə qoşulacaq. Aqilarla imzalanan müqavilənin detalları açıqlanmayıb.

“Şəhərlilər” Aqilar üçün klubuna 2,85 milyon avro ödəyib. Cinah müdafiəçisi mövqeyində çıxış edən futbolçu Peru yığmasının U-17 və U-23 komandalarına da dəvət alır.