2020/21 mövsümü üçün transfer çalışmalarını davam etdirən “Sumqayıt” növbəti futbolçunun keçidini reallaşdırıb.

Rekord.az xəbər verir ki, sözügedən klub son mövsümü Portuqaliyanın “Uniao Leyria” klubunda keçirmiş Hüseyn Cəfərovu heyətinə qatıb.

Bu barədə klubun mətbuat xidməti məlumat yayıb. 3 illik müqaviləyə imza atan 19 yaşlı gənc yarımmüdafiəçi yeni komandasında “15” nömrəli formada çıxış edəcək.