İngiltərənin “Uotford” klubu qapıçısı Ben Fosterlə müqavilənin müddətini artırıb.

Rekord.az xəbər verir ki, bu barədə Premyer Liqa təmsilçisinin rəsmi saytı məlumat yayıb.

Yeni müqaviləyə əsasən 37 yaşlı qolkiper daha 2 il “Uotford”un uğurları üçün çalışmağa davam edəcək.

İngiltərə yığmasının da formasını geyinmiş Ben Foster 2018-ci ildə “Vest Bromviç”dən “Uotford”a transfer olunub. O, bu mövsüm sözügedən komandada 29 oyuna çıxıb.