İngiltərənin “Brayton” klubunun baş məşqçisi Qraham Potter koronavirus pandemiyasına görə yaranan böhranla əlaqədar könüllü olaraq maaşında endirimə razı olub.

Rekord.az xəbər verir ki, bu barədə Premyer Liqa təmsilçisinin rəsmi saytı məlumat yayıb.

Məlumatda bildirilir ki, klubda çalışanların maaş problemi yaşamaması üçün Qraham üç aylıq məvacibinin böyük hissəsindən imtina edib.

Xatırladaq ki, daha öncə “Bornmut”un baş məşqçisi Eddi Hau da maaşının böyük hissəsindən imtina etmişdi. Bununla da o, Premyer Liqa təmsilçiləri arasında maaşının azaldılmasına razılıq verən ilk baş məşqçi olmuşdu.