Fransanın PSJ klubu ispan müdafiəçisi Xuan Bernatla müqavilənin müddətini uzadıb.

Rekord.az xəbər verir ki, bu barədə Paris təmsilçisinin rəsmi saytı məlumat yayıb.

28 yaşlı futbolçu ilə müddəti 2025-ci ilin iyununa qədər davam edəcək yeni müqavilə imzalanıb. İspaniya yığmasının da üzvü olan müdafiəçinin əvvəlki anlaşmasının müddəti bu mövsümün sonunda başa çatacaqdı.

Xuan Bernat 2018-ci ildən PSJ-də çıxış edir. Müdafiənin sol cinahında oynayan futbolçu bu komandanın heyətində indiyə qədər 76 oyuna çıxıb, 6 qol vurub, 10 məhsuldar ötürməyə imza atıb.