Fransanın PSJ klubunun bir futbolçusunda koronavirus aşkarlanıb.

Rekord.az xəbər verir ki, Paris təmsilçisinin hücumçusu Moyze Kinin koronavirus testi müsbət çıxıb.

Bu barədə Liqa 1 nəhənginin rəsmi saytı məlumat yayıb. 21 yaşlı hücumçunun karantinə alındığı diqqətə çatdırılıb.

Kin Liqa 1-in 28-ci turunun “Bordo” ilə matçını (1:0) da bu səbəbdən buraxmalı olub.

Qeyd edək ki, Moyze Kin bu mövsüm PSJ-nin heyətində 31 oyuna çıxıb, 17 qola imza atıb.