Türkiyənin “Qalatasaray” klubunun yeni prezidenti müəyyənləşib.

Rekord.az xəbər verir ki, seçkidə 5 namizəd - Metin Öztürk, İbrahim Özdemir, Eşref Hamamcıoğlu, Burak Elmas və Yiğit Şardan iştirak edib.

Burak Elmas bütün rəqiblərini geridə qoyub. Belə ki, səsvermədə iştirak edən 4731 şəxsin 1541-i Elması bu posta layiq görüb. Onun əsas rəqibi Eşref Hamamcıoğlu isə cəmi 41 səs az toplayıb.

Bununla da Burak Elmas İstanbul klubunun 38-ci prezidenti olub. O, bu postda Mustafa Cengizi əvəzləyəcək. 2018-ci ildən İstanbul təmsilçisinə rəhbərlik edən Cengiz səhhəti ilə əlaqədar namizədliyini irəli sürməyib.