Avropa Konfrans Liqasının qrup mərhələsinin 1-ci turundakı "Qarabağ" - "Bazel" (İsveçrə) oyununun stadionu dəyişdirilib.

Rekord.az xəbər verir ki, bu barədə UEFA-nın rəsmi saytı məlumat yayıb.

Bu matç daha əvvəl nəzərdə tutulduğu kimi Tofiq Bəhramov adına Respublika stadionunda keçirilməyəcək. Qarşılaşma Bakı Olimpiya Stadionunda oynanılacaq. Buna Respublika stadionunun ot örtüyünün istənilən səviyyədə olmaması səbəb göstərilir.

Qeyd edək ki, sentyabrın 16-da gerçəkləşəcək "Qarabağ" - "Bazel" görüşünə saat 20:45-də start veriləcək.