"Qarabağ"ın futbolçusu Juninyoya təkliflər olsa da, Ağdam klubu onu daha 1 il saxlamaq istəyir.

Rekord.az xəbər verir ki, baş məşqçi Qurban Qurbanov ən azı hazırkı heyəti növbəti mövsüm üçün qoruyub-saxlamağı düşünür.

Konkret Juninyo ilə bağlı məsələyə gəlincə, son məlumat budur ki, Qurbanovun istəyindən asılı olmayaraq, son seçim futbolçunun olacaq. Baxmayaraq ki, "Qarabağ"la müqaviləsi var, futbolçu özü gələn təkliflərdən hansısa birini dəyərləndirib getmək istəsə, klub onu məcbur saxlamayacaq. Sadəcə, qarşı tərəf "Qarabağ"ın istədiyi transfer haqqını ödəməli olacaq.