«Legiya»nın yarımmüdafiəçisi Joel Valensiya karyerasını Azərbaycanda davam etdirmək istəyindədir.

Rekord.az-ın məlumatına görə, ekvadorlu legioner «Qarabağ»dan gələn təklifi müsbət qarşılayıb.

Polşa klubunun bu yay «Brendford»dan icarəyə götürdüyü 25 yaşlı vinger ən pis halda qış fasiləsində buradan ayrıla biləcəyini Ağdam təmsilçisinə xəbər göndərib.

Qurban Qurbanovun Varşavadakı qarşılaşmada bəyəndiyi cənubi amerikalı heç də yüksək olmayan maliyyə şərtləri irəli sürüb: illik 400 min dollardan aşağı məbləğə «Qarabağ»ın formasını geyinməyə razıdır.

Bunun üçün Azərbaycan çempionunun İngiltərənin Çempionşip klubu ilə danışıqlara indidən başlaması lazımdır.

Çünki Avropa Liqasının qrup mərhələsinə vəsiqə qazana bilməyən «Legiya» yüksək ödənişli futbolçularından qurtulmaq fikrindədir və menecerlər bununla bağlı məlumatlandırılıb. (sportinfo.az)