“Qarabağ” heyətini yeni futbolçu ilə gücləndirib.

Rekord.az xəbər verir ki, Ağdam klubu Kabo Verdedən olan yarımmüdafiəçi Patrik Andradeni heyətinə qatıb.

Bu barədə klubun mətbuat xidməti məlumat yayıb. 27 yaşlı futbolçunun “Qarabağ” forması ilə fotosunu yayan klub, hələlik, onunla müqavilənin detallarını açıqlamayıb.

Ölkəsinin “Sportinq”, “Desportivo”, “Benfika” klublarında oynadıqdan sonra Portuqaliyanın “Ribeyrao” komandasına üz tutan Andrade, 2013/14 mövsümündə “Joane”də icarədə olub. 2014-cü ildən 2018-ci ilə qədər “Moreyrense”də çıxış edən futbolçu, həmin illərdə “Famalikao” və “Salqeyros”da icarədə oynayıb. 2018-ci ildən isə o, Bolqarıstanın “Çerno More” komandasında çıxış edirdi.