"Daha çox qol vura bilərdik”.

Rekord.az xəbər verir ki, AEL-in yarımmüdafiəçisi Davor Zdravkovski bu açıqlama ilə çıxış edib.

1:1 etdikləri Konfrans Liqasının III təsnifat mərhələsinin ilk oyuna qiymət verən Limassol təmsilçisinin şimali makedoniyalı legioneri "Qarabağ"dan daha yaxşı oynadıqlarını söyləyib:

“Amma bu, futboldur. Şanssız qolla qələbəni əldən verməyimizə baxmayaraq, konsentrasiyamızı itirmirik.

Bizi daha bir oyun gözləyir. Bəlkə də təcrübəmiz azdır. Amma əlimizdən gələni edəcəyik".

"Qarabağ" və AEL arasında cavab matçı avqustun 12-də Bakıda keçiriləcək. Tofiq Bəhramov adına Respublika stadionunda oynanılacaq qarşılaşma saat 20:00-da başlayacaq.