Mövsümün sonunda “Qarabağ”dan ayrılacağı gözlənilən Aylton Silvanı transfer etmək istəyən klubların sayı artır.

Rekord.az xəbər verir ki, Türkiyədən ”Alanyaspor”un maraq dairəsində olan braziliyalı müdafiəçiyə indi də Birləşmiş Ərəb Əmirliklərindən təklif gəlib.

Adıçəkilən ölkədən “Adciman” və “Hatta” müdafiəçini heyətə qatmaq istəyir. Artıq klub nümayəndələri ilə Ayltonun meneceri arasında ilkin danışıqların aparıldığı da deyilir.

Müqavilə ilə “Ştutqart”a məxsus olan ”sambaçı”nın mövsümün sonunda “Qarabağ”dan ayrılacağı dəqiqləşib. Almaniya klubu onun transfer qiymətini də müəyyənləşdirib.