“Qarabağ” klubu Avropa Konfrans Liqasının qrup mərhələsinin 4-cü turu çərçivəsində Qazaxıstanda baş tutacaq “Kayrat”la səfər oyununu izləmək istəyən azərbaycanlı azarkeşlərə müraciət edib.

Rekord.az xəbər verir ki, Azərbaycan təmsilçisi öz fanatları üçün 26, 27 və 28-ci sektorların ayrıldığını açıqlayıb.

Ağdam klubu tərəfdarlarından, bilet alarkən bunu nəzərə almalarını xahiş edib. Biletlərin qiyməti 2 min tenge (8 manat) təşkil edir.

Qeyd edək ki, noyabrın 4-də keçiriləcək "Kayrat" - "Qarabağ" matçına Bakı vaxtı ilə saat 19:30-da start veriləcək.