Azərbaycan Premyer Liqasının 2-ci turunda keçiriləcək “Qarabağ” – “Kəpəz” qarşılaşmasının biletləri sabah saat 12:00-dan etibarən onlayn şəkildə satışa çıxarılacaq.

Rekord.az Ağdam klubunun mətbuat xidmətinə istinadən xəbər verir ki, bBiletlərin qiyməti sektorlara uyğun olaraq dəyişir. 

Qapıarxası və künclərdə yerləşən sektorlar 3 manat, mərkəzi sektorlar 7 manat, VIP biletlər isə 15 manat təşkil edir.

Biletlər sabahdan iTicket.az-da onlayn, oyun günü isə həm iTicket.az-da onlayn, həm də “Azersun Arena”nın kassasında da satışda olacaq.