"Qarabağ”ın Konfrans Liqasının 2-ci təsnifat mərhələsindəki rəqibi “Aşdod” heyətini yeni futbolçu ilə gücləndirib.

Rekord.az klubun mətbuat xidmətinə istinadən xəbər verir ki, İsrail təmsilçisi qapıçı Sahar Hassonu transfer edib. 24 yaşlı futbolçu ilə imzalanan müqavilənin detalları açıqlanmayıb.

Hassonun son klubu İsrail “Ramat-ha-Şaron”u olub.

“Qarabağ” “Aşdod”la ilk oyunu iyulun 22-də Bakıda keçirəcək. Komandalar arasındakı cavab matçı iyulun 29-da İsraildə olacaq.