Xorvatiya çempionatında 3-cü tura start verilib. 

Rekord.az xəbər verir ki, UEFA Çempionlar Liqasında “Qarabağ”ın rəqibi olan Zaqreb “Dinamo”su öz meydanında “Şibenik”i qəbul edib. 

Rəqib qapısından 3 cavabsız qol keçirən “Dinamo” mövsümündə ardıcıl 3-cü qələbəsini qazanıb. Zaqreb klubunun heyətində Ristovski (6), Şpikiç (19) və Kulenoviç (56) fərqləniblər.

Zaqreb təmsilçisi növbəti oyununu avqustun 20-də öz meydanında “Qarabağ”a qarşı keçirəcək. “Maksimir” stadionunda baş tutacaq matç Bakı vaxtı ilə 23:00-da start götürəcək.