Azərbaycanın iki klubu Polşa təmsilçisi "Motor"da çıxış edən Samuel Mrazla maraqlanır.

Rekord.az xəbər verir ki, bu barədə ölkənin "Futbolnews.pl" portalı məlumat yayıb.

27 yaşlı hücumçunun "Neftçi" ilə yanaşı, "Qarabağ"ın da diqqətində olduğu bildirilib. Slovakiyalı oyunçu Ağdam təmsilçisinin transfer siyahısında olsa da, bu, ölkə çempionu üçün prioritet deyil.

Ötən ilin fevralında "Motor"a keçən Slovakiya millisinin sabiq üzvünün müqaviləsinin müddəti yayda başa çatmalıdır. Son olaraq 2022-ci ildə yığmaya cəlb olunan forvard millidə 5 matça çıxıb.