Ötən mövsümün lider komandalarından olan, son tura qədər Premyer Liqaya çıxmaq şansını saxlayan "Qaradağ Lökbatan" bu mövsüm özünə bənzəmir.

Rekord.az xəbər verir ki, cari mövsüm komanda qələbəyə, xala həsrətdi.

Qələbə, xal bir yana, Qaradağ təmsilçisi ilk 4 turdan sonra qol vura bilməyib. Öz qapısından isə 13-nü buraxıb. Bu fiasko isə boşuna deyil. Belə ki, ötən mövsümlə müqayisədə bu mövsüm komandanın büdcəsində ciddi azalma olub. Nəticədə futbolçular üçün nəzərdə tutulan maaşın məbləği də azaldılıb. Bu üzdən heyətin böyük əksəriyyəti komandanı tərk edib. Rəhbərlik baş məşqçi Aqşin Salahovu göndərib yerinə Amit Quluzadəni gətirsə də, dəyişən heç nə yoxdur. Bu gedişlə "Qaradağ Lökbatan" II Liqaya düşməyə əsas namizəd olacaq.