Cennaro Qattuzo "Napoli" nin baş məşqçisi vəzifəsindən gedə bilər .

Rekord.az "Calciomercato"ya istinadən xəbər verir ki, 43 yaşlı mütəxəssislə prezident  Aurelio De Laurentiis arasında münasibətlər korlanıb  və klub rəhbəri artıq onun əvəzləyicisini axtarır.

Bildirilib ki, "Napoli"nin 24 yanvarda "Verona"ya məğlub olmasından (1: 3) sonra De Laurentiis klubun sabiq baş məşqçisi Maurisio Sarri ilə komandaya qayıtması ilə bağlı əlaqə saxlayıb. Ancaq o, rədd cavabı alıb.

Qeyd edək ki, İtaliya mətbuatı Qattuzonun "Napoli" ilə yeni müqavilə imzalamaq variantının mümkünsüz olduğunu yazıb.