"Fiorentina"nın sabiq çalışdırıcısı Cennaro Qattuzo "Tottenhem Hotspur" rəhbərliyinin ona qarşı etdiyini böyük pərişanlıqla qarşıladığını bildirib.

Rekord.az xəbər verir ki, "Il Messaggero" Qattuzonun söylədiklərini belə çatdırıb:

"Tottenhem"i çalışdırmaq istəyimin alınmaması böyük xəyal qırıqlığıdır. Amma heç nə edə bilməzdim. Təəssüf ki, onlara çatdırıldığı kimi insan olmadığımı demək, özümü müdafiə etmək imkanım olmadı. "Tottenhem" rəhbərliyinin davranışı mənə bütün məğlubiyyətlərdən pis təsir etdi".

Xatırladaq ki, Qattuzo iyunun 17-də rəhbərliklə fikir ayrılığı üzündən 3 həftə öncə baş məşqçi postuna təyin olunduğu "Fiorentina"dan ayrılmışdı. Ardından "Tottenhem" bossları Cennaronun razılığını alsalar da, sonradan fikirlərini dəyişərək komandanı Nunu Eşpirintu Santuya tapşırmağı üstün tutmuşdular.