Rekord.az əməkdaşı Qərb bölgəsinə səfəri zamanı Qazax rayonunda da olub, stadionun şəraiti ilə yaxından tanış olub. Qazax stadionu 8 hektar sahəyə malikdir. Bu sahəyə 10 minə yaxın tamaşaçı tutumu olan stadion, bir ehtiyat meydança, otel, yeməkxana, qapalı idman zalı aiddir. Düzdür, adları çəkilən tikililərin təmirə ehtiyacı var. Amma bərbad da demək olmaz. Məsələn, otel və yeməkxana hazırda da fəaliyyət göstərir. Belə demək mümküsə, hazır bazadır, bir qədər əl gəzdirib təmir olunsa, ölkənin ən yaxşı bazalarından biri ola bilər. Aldığımız məlumata görə, "Göyəzən"in sponsoru yayda soyunub-geyinmə otaqlarını da təmir etdirməyi düşünür. Qazax stadionundan özəl fotoları sizə təqdim edirik: