Qazax Olimpiya İdman Kompleksində 9 noyabr “Dövlət Bayrağı Günü”nə həsr olunmuş cüdo üzrə 2012-2013-cü il təvəllüdlü kiçik yaşlı yeniyetmələr arasında Qazax UGİM-nin açıq birinciliyi keçirilib.

Rekord.az xəbər verir ki, yarışda Qazax, Ağstafa və Tovuz rayonlarından olan idmançılar mübarizə aparıb.

Gərgin və maraqlı idman mübarizəsi şəraitində keçən yarışda birinci, ikinci və üçüncü yerləri tutmuş idmançılar Qazax-Tovuz Regional Gənclər və İdman İdarəsi tərəfindən müvafiq diplomlarla təltif olunublar.