Qazax şəhər stadionunda Azərbaycan Respublikasının Gənclər və İdman Nazirliyinin yaranmasının 30 illiyinə həsr olunmuş futbol üzrə nümunəvi çıxışlar keçirilib.

Rekord.az xəbər verir ki, tədbirdə Qazax-Tovuz Regional Gənclər və idman İdarəsinin idman sektorunun müdiri sərbəst güləş üzrə SSRİ idman ustası, əməkdar məşqçi Sahib Namazov, Qazax rayon Uşaq Gənclər İdman Məktəbinin dərs hissə müdiri Hikmət Məmmədov çıxış edərək, Qazax rayonunda futbol idman növünün inkişafında, idmanın əhali arasında kütləviliyinin artırılmasında və yeniyetmələrin fiziki sağlamlıqlarının möhkəmləndirilməsində belə tədbirlərin keçirilməsinin vacib olduğunu qeyd edərək, iştirakçılara uğurlar arzulayıblar.

Sonra UEFA- nın "C" kateqoriyalı məşqçi- müəllimi Arzuman Vəliyev tərəfindən nümunəvi çıxışlar keçirilib. Tədbirdə 11-14 yaşlı futbolçular müxtəlif texniki- taktiki tapşırıqları və hərəkətləri yerinə yetiriblər.

Tədbirdə 39 nəfər yeniyetmə iştirak edib.