Türkiyənin Bolu şəhərində təlim-məşq toplanışında olan “Qəbələ” bu gün növbəti yoxlama oyununu keçirəcək.

Rekord.az xəbər verir ki, “qırmızı-qaralar” hazırlıq prosesinin 5-ci günündə Rusiyanın “Orenburq” klubu ilə qarşılaşacaq.

Matç “Fənərbaxça” Sərkan Acar Topuk Yaylası bazasında olacaq. Görüş Bakı vaxtı ilə saat 17:00-da start götürəcək.

Rusiyanın eyniadlı şəhərini təmsil edən “Orenburq” tarixi ərzində müxtəlif liqalarda çıxış edib və 2022-ci ildə Premyer Liqaya qayıdıb. Orenburqlular ötən mövsümü 7-ci yerdə başa vurublar.

Xatırladaq ki, “Qəbələ” Boluda keçirdiyi ilk matçda Moldova təmsilçisi “Sukleya”ya 4:2 hesabı ilə qalib gəlib.

Yoxlama oyunu
15 iyul

17:00. “Qəbələ” - "Orenburq” (Rusiya)
“Fənərbaxça” Sərkan Acar Topuk Yaylası bazası.