“Qəbələ” növbəti yoxlama oyununu keçirib.

Rekord.az xəbər verir ki, Kaxaber Sxadadzenin yetirmələri yeni mövsümə hazırlıq çərçivəsində “Cəbrayıl”la üz-üzə gəlib.

Qaradağ Olimpiya İdman Kompleksinin stadionunda baş tutan matç “qırmızı-qaralar”ın üstünlüyü ilə keçib. “Qəbələ” paytaxtda keçirilən görüşdə böyükhesablı qələbə qazanıb – 4:1. “Qəbələ”nin qollarına Asif Məmmədov, Ürfan İsmayılov, Domi Jaures və Sənan Ağalarov imza atıblar.

Qeyd edək ki, bu, “qırmızı-qaralar”ın mövsümə hazırlıq çərçivəsində 5-ci sınağı olub. Küveyt təmsilçisi "Əl-Yarmuk"la heç-heçə (2:2) edən komanda “Zaqatala” (2:0), “Cəbrayıl”a (5:2) və “Mingəçevir”ə (4:0) qalib gəlib.