Dağlıq Şirvan Regional Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə “Güləş” idman zalında uşu-sanda üzrə yeniyetmələr arasında rayon birinciliyi keçirilmişdir.

Rekord.az xəbər verir ki, birincilikdə Vətən Müharibəsi Qəhrəmanı Elyar Vəliyevin adını daşıyan əlbəyaxa döyüuşu0sş növləri üzrə klubun 24 nəfər üzvü iştirak etmişdir.

Yarışın keçirilməsində əsas məqsəd uşu-sanda idman növünün rayonda uşaq və yeniyetmələr arasında kütləviliyinin artırılması, təlim-məşq proseslərinin təkmilləşdirilməsi və respublika miqyaslı turnirlərdə iştirak edəcək idmançıların müəyyən olunmasıdır.

Ayrı-ayrı çəki dərəcələrində Quliyev Ülvü, Səidi Mətləb, Həmzəli Fərid, Quliyev Baba, Eyyublu Eyyub, Rəhimli Eyyub, Yaqublu Tural qalib gələrək respublika birinciliyində iştirak etmək hüququ qazanmışlar.

Qızlar arasında Qarayeva Leyla I yeri tutmuşdur.