"Barselona"ın futbolçusu Antuan Qrizmann La Liqanın 28-ci turunda "Real Sosyedad"a 6:1 hesabı ilə qalib gəldikləri oyunu şərh edib.

Rekord.az xəbər verir ki, sözügedən qarşılaşmada bir qol vuran fransalı hücumçu "Marca"ya açıqlamasında deyib:

"İlk dəqiqələrdən üstünlük təşkil etdik. Mükəmməl bir iş gördük, rəqibin hücumlarını uğurla dəf etdik. "Barselona" axşamı əla keçirdi. Komandamızdakı hər kəs vacibdir, hamımız qol vura bilərik. Bu "Barselona" yüksək nəticələr əldə edə bilər".

Qeyd edək ki, Kataloniya təmsilçisi hazırda La Liqada 62 xalla 2-ci pillədə qərarlaşıb.