“Barselona”nın futbolçusu Antuan Qrizmann bu yay “Yuventus”a keçə bilər.

Rekord.az Sport.es-ə istinadən xəbər verir ki, Turin klubu fransalı hücumçuya komandanı tərk edəcəyi gözlənilən Kriştiano Ronaldonun əvəzləyicisi kimi baxır.

“Yuventus”un maliyyə problemləri ilə üzləşməsinə görə, Qrizmannın bu kluba satınalma şərtilə icarəyə veriləcəyi daha real görünür.

Xəbərdə bildirilib ki, “Barselona”nın hücumçular Serxio Aquero və Memfis Depayla razılaşmasını nəzərə alsaq, Qrizmannın gedişi komandaya təsir etməyəcək.

Qeyd edək ki, Qrizmann bu mövsüm La Liqada 35 oyuna 12 qol vurub, 7 qol ötürməsi edib.