Quba təmsilçisinə texniki məğlubiyyət verildi
- 07 Dek 2024 17:13
- 135
Bu gün AFFA İntizam Komitəsinin iclası keçirilib.
Rekord.az xəbər verir ki, iclasda 2-ci Liqanın 11-ci turunun oyunları ilə bağlı aşağıdakı qərarlar qəbul olunub:
“Dinamo” – “Hypers Guba” oyununda “Dinamo” komandasının 4 futbolçusu sarı vərəqə aldığına görə “Dinamo” komandası 70 manat cərimə edilib.
“Dinamo” – “Hypers Guba” oyununun 87-ci dəqiqəsində “Hypers Guba” komandasının 44 nömrəli futbolçusu Rəhim Cəfərov rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanıb, “Hypers Guba” komandası 100 manat cərimə edilib.
“Dinamo” – “Hypers Guba” oyununun 80-ci dəqiqəsində “Hypers Guba” komandasının heyətində adı matçın protokolunda olmayan 17 nömrəli futbolçu Nail Təhməzli oyuna daxil olduğuna görə “Hypers Guba” komandasına texniki məğlubiyyət verilib (hesab 4:1 saxlanılır), “Hypers Guba” komandası 400 manat cərimə edilib.
“Şəfa” – “Ağdaş” oyununun başlanma saatını “Ağdaş” komandası gecikdirdiyinə görə “Ağdaş” komandası 150 manat cərimə edilib.
“Kür-Araz” – “Sheki City” oyununda “Sheki City” komandasının qapıçısının formasında qüsurlar olduğuna görə “Sheki City” komandası 100 manat cərimə edilib.
