Quba Olimpiya İdman Kompleksində Quba-Xaçmaz Regional Gənclər və İdman İdarəsinin və Azərbaycan Voleybol Federasiyasının birgə təsdiq etdiyi əsasnaməyə əsasən yeniyetmə və gənc qızlar arasında voleybol idman növü üzrə zona birinciliyi keçirilmişdir.

Rekord.az xəbər verir ki, birincilyin açılışında yarışın məqsədləri və qaydaları iştirakçıların diqqətinə çatdırılmışdır.

Quba-Xaçmaz iqtisadi regionun Quba, Qusar, Xaçmaz, Siyəzən və Şabran rayonlarından 2007-2008-ci il təvəllüdlü qızlardan ibarət komandaların qatıldığı yarış gərgin mübarizə şəraitində keçmişdir.

Yarışın nəticələrinə əsasən Qusar rayon Urva komandası - I yeri, Qusar şəhər komandası - II yeri, Quba rayon komandası - III yeri tutmuşdur.

Sonda qaliblər Quba-Xaçmaz Regional Gənclər və İdman İdarəsi tərəfindən müvafiq dərəcəli diplom və medallarla təltif olunmuşlar.