Ötən mövsüm "Region Liqası"nın qalibi adını qazanan "Hypers" komandası Qubaya köçərək "Hypers Quba" adını götürdü.

Rekord.az xəbər verir ki, sözügedən komanda ev oyunlarını da Quba Olimpiya İdman Kompleksinijn stadionunda keçirəcək.

Məsələ artıq təsdiqlənib. Bunu saytımıza açıqlamasında PFL-in mətbuat katibi Sənan Abdullayev bildirib. O, eyni zamanda bu yaxınlarda Qubaya baş tutan səfəri və stadionu ziyarəti haqda da məlumat verib: "Hypers Quba"nın ev oyunlarını Qubada keçirəcəyi bir müddət öncədən məlum idi. Yəni səfərimiz stadiona icazə ilə bağlı deyildi, bu icazə daha əvvəldən verilmişdi. Sadəcə, ümumi təftiş idi. Yenidən stadiona baxdıq, bəzi məsələləri müzakirə etdik. Ümumilikdə stadionunun durumu yaxşıdı və II liqa üçün tam hazırdı. Hətta I liqa, Premyer Liqa oyunları üçün bir çox tələblərə cavab verir. Bəzi xırda nüanslar var ki, onlar da aradan qalxacaq məsələlərdi. Yayım həyata keçirmək üçün də şərait var. Onu da deyim ki, bu stadionda keçiriləcək II liqanın yeni mövsümünün ilk oyunu saytımız tərəfindən 3 kamera ilə canlı yayımlanacaq. Hətta şərhçi də olacaq".