Futbol üzrə Moldova çempionatında 16-cı turun oyunları keçirilib.

Rekord.az xəbər verir ki, azərbaycanlı futbolçu Orxan Qurbanlının formasını geyindiyi “Dinamo-Avto” da növbəti matçına çıxıb.

Sözügedən kollektiv doğma meydanda “Sfintul George” ilə qarşılaşıb. Futbolçumuzun komandası bu oyundan məğlubiyyətlə ayrılıb - 0:1.

Orxan da bu görüşün iştirakçısı olub. O, 89-cu dəqiqədə meydana buraxılıb.

Keçirdiyi 16 oyunda 17 xal toplayan “Dinamo-Avto” 8 iştirakçı arasında 6-cı pillədə qərarlaşıb.