Qusar Olimpiya İdman Kompleksində Quba-Xaçmaz Regional Gənclər və İdman İdarəsinin təşkilatçılığı ilə Milli Qəhrəman Çingiz Qurbanovun xatirəsinə həsr edilmiş voleybol idman növü üzrə Qusar rayon açıq turniri keçirilib.

Rekord.az xəbər verir ki, ilk olaraq Quba-Xaçmaz Regional Gənclər və İdman İdarəsinin rəisi Nəcəf Novruzov, Qusar Olimpiya İdman Kompleksinin direktoru Elşən Məmmədov və Qusar rayonu üzrə gənclər və idman sektorunun müdiri Emil Əmirmətov Milli Qəhrəmanın və digər şəhidlərin məzarlarını ziyarət etmiş, gül dəstələri qoymuşlar.

Sonra Qusar Olimpiya İdman Kompleksində keçirilən turnirdə Azərbaycan Respublikasının Dövlət Himni səsləndirilmiş, Azərbaycan Respublikasının suverenliyi, müstəqilliyi yolunda canlarından keçmiş qəhrəman övladlarımızın əziz xatirəsi bir dəqiqəlik sükutla yad edilmişdir.

Daha sonra yarışa start verilmidir. Gərgin mübarizə nəticəsində qalib gələn komandalar Quba-Xaçmaz Regional Gənclər və İdman İdarəsi tərəfindən müvafiq dərəcəli diplom, medal və kubokla təltif olunmuşlar.